內部調職,你需要知道的6大步驟

Choosing the right path

作為公司一員,你可能有各式各樣原因想離職。可能你即將要搬去新環境,或唔滿意現時職責;又或者你想走另一條職業路徑,希望開始新挑戰… 無論邊種原因,公司內部調職都值得考慮。通常你不但可以保留原本薪金,而且認識新同事同時,亦可以與舊同事保持緊密聯繫。而且作為公司員工,你更容易知道調職機會高低,因為你充分了解公司文化,亦可以從同事口中得知更多內部資訊。 從僱主角度,現職員工已經熟識公司同業務流程,並且符合公司聘請要求,比起外來既求職者,你已贏在起跑線上。 但都未等於你一定成功調職;你必須認真對待調職申請,而以下六大步驟會協助你大大提升成功調職機率!

1. 主動尋找及了解職位

大部分時候,查看自己屬意的職位空缺,公司網址應屬第一選擇。規模較大的公司亦會間中會用電郵通知員工調職機會資訊 。如果未有你感興趣嘅職位空缺,就係時候發揮創意!你可以運用人際網絡或者內聯網聯絡部門主管,邀請相關人士飲杯咖啡或電話傾一傾(當然要保密)。如果情況許可,你可以同時聯繫同你階級相約既同事了解該職位優劣。緊記聘請要求通常都具彈性,團隊可以因應合適申請者嘅情況調整。至少當有機會時,你已經在考慮名單上。

2. 遵守公司政策

好多公司已經有固定體系及政策處理調職申請,你必須在開始整個過程之前了解相關細節。例如可能人力資源政策已列明你同新部門面試前,你必須先通知現時團隊。無跟隨公司政策可能會損害你往後機會,及影響部門間關係,無野差得過因為高層不滿令你最後損失原有機會!

3. 誠實通知直屬主管

無論公司政策如何,當你考慮調職時你都應該直接通知直屬主管,只要你相信佢地!建立互信基礎會幫你贏得主管支持,佢地亦會明白你並非偷偷摸摸做緊壞事。主動同佢地討論以及問佢地意見可以幫助你思考事業及專業發展。如果你覺得主管未必支持,你亦可以同人力資源同事或潛在主管討論。

4. 做好現有職責

想增加成功調職機會,你首先要做好現有職責!如果你表現參差當然就更難調職,你要加倍努力,於內部面試證明自身能力,係呢個情況下轉工比調職其實更容易。所以擁有能幹員工聲譽會對你大有幫助,而且你要確保取得現有團隊推薦去證明自身能力。

5. 建立同新部門既人脈網絡

同新部門人員建立人脈網絡會大大增加你成功調職機會。你應該接觸該團隊所有階級員工:同你同階級既員工可以話你知工作上的情況,主管可以為你提供面試tips同技巧,而令高層對你留下印象更會係佢地作出決定時候提供莫大幫助。緊記於申請及面試時要提起有同申請部門的團隊交流,可以證明你認真對待調職申請以及有對部門深入了解。

6 同外部職位一樣看待

最後,你要確保你有認真看待調職機會,如同申請一個外部職位一樣認真。你應該做同樣充分預備,唔好理所當然以為內部員工會了解你所有成就和細節。


調職是一個極佳機會去讓你留於熟悉公司繼續自身事業道路並發展所屬技能。沿著正確既步驟你就可以一石二鳥,既享受新職位挑戰,又可以保持新舊同事緊密關係。

Team Vanna

Vanna's expert writing team

3 分鐘閱讀

相關搜尋

為你推薦...

「要望清楚合約……到底望咩?」簽約小心道理大家都知道,但看見字密密麻麻的文件時,每次都不知要注意什麼,加上「摩打嘴」的HR,最後還是草草簽約。現附上在香港簽工作合約的常見問題及注意事項。

搵到新工作確實令人百感交集。去新環境開始固然令你非常興奮,但前提係你必須先從現職功成身退,你唔會希望損失之前一步步建立嘅人脈關係。

雖然決定辭職並不容易,但花好幾個月思考離職問題,徒勞地等情況改變也不是辦法。在我們的人生中,工作佔了三分一時間,所以工作是否快樂非常重要。

祼辭,是不少人想過但不敢做的事,「頂唔順」現時工作,想跳槽但不少公司希望求職者可以立即上班,不會等一個月通知。但又怕祼辭後不可立即找到工作、失去收入。好好準備的話,就算未找到工作,都可以減輕祼辭的負面影響。

21搵工
大型 · 能源 · 鰂魚涌,香港
9搵工
中型 · 電子商務 · 荃灣西,香港
3搵工
中型 · 科技 · 西營盤,香港
17搵工
大型 · 食物&飲品 · 上環,香港