想辭職? 先問自己六個問題

Questions

打工仔日日返工,實有開心同唔開心。塵世間無一條公式可以計算到應該幾時辭職,唔通話開心日數除唔開心日數然後睇下有幾多百分比咩? 想辭職,原因可能係1) 唔想太早黐線;2) 想日日開心舒暢;或者3)魚唔過塘唔肥,無論中是但一樣定以上皆是,做決定前都要經過深思熟慮。

仲係心大心細,唔知遞唔遞信? 不妨問自己以下幾個問題。

1. 點解要辭職?

想辭職總有原因,到底係工作、同事定公司緣故?如果工作令你萌生去意,不如留意公司有無調組空間?喺同一間公司拓展唔同經驗,可能係明智方法,所謂做生不如做熟,離職前大可發掘公司唔同面向。不妨同人事部或者其他部門嘅主管傾,好好了解有無其他合適職位。同樣,如果有個同事好惡頂,調去其他部門或者解決到 必須要與好惡頂的人共事的問題。 。不過,如果係間公司令你想辭職,例如工作程序、策略或者推行政策令你不滿,最好嘅做法可能係寫份計劃書,列出有咩地方需要改善。好多部門主管投訴就收得多,解決方法就無乜幾個,主動提出深思熟慮嘅建議,或可以解開困局,提升工作環境。

2. 隔離飯真係香啲?

問自己,辭職後另謀高就,係咪真係會令你滿足啲呢?無論一份工點正都好,始終都係一份工;新工作有好處,但一樣可能有意想不到嘅壞處。喺其他地方做返同樣工作,未必係出路。好多人為左好啲嘅人工辭職,但好快發現要有滿足感,人工只係一小部分因素。無人嫌錢多,但錢唔應該係決定辭職嘅唯一原因。

3. 有無方法可以改善現況?

遞信前,不如攞返主動權,改善工作上可控制嘅部分。嘗試捉上司傾計,無論傾加人工又好,甚至只係問將來公司點發展,都可能帶黎啓發同動力。如果擔起更大責任, 你會唔會更加投入工作?或者,你本身工作量好大,將部分工作調俾同事,會唔會令事情更容易處理?你甚至可要求另一啲工作方式,例如彈性上班時數或者在家工作,改善現況。遞信前,同老闆、上司傾呢啲問題其實好正常,要知道重新請一個人不但成本貴,仲需要花好多心力面試同訓練新員工。所以俾雙方一個機會改變現狀,其實無壞。

4. 辭職解決煩惱,定帶黎另一種煩惱?

無錯,辭左職就可以同搞到人都癲嘅經理Benny、同事Gigi甚至成條生產線講拜拜;但一唔好彩加入失業大軍,一樣令你人都癲。諗清楚之後幾步,先決定係咪要遞信。

5. 有無諗過放個大假?

有時頭腦同時間表一齊放空,反而令你眼界更闊。放低工作壓力同憂慮,俾自己時間好好整理想法。甚至可以趁機反思人生,問自己人生中最想達到嘅目標係咩,自己距離目標幾遠,改善空間同點先可以達到目標。工作係短期內嘅小事,人生目標先係長遠大事,理清思緒有助達成目標。

6. 而家份工有無令你鐘意嘅地方?

係呀,上司好衰,同事好衰,連茶水間姐姐都好衰啊。其實身處壓力,好容易鑽牛角尖,令自己更不安同唔開心,睇唔到原來工作都有令你開心嘅地方,例如自由自主制度、公司文化、工作上嘅啓發,甚至係日日合作嘅同事。試下集中諗好嘅一面,將負面諗法沉澱幾日,睇下會唔會有唔同睇法? 問完六個問題之後,無論如何,只有你先可以決定自己將來係點,千祈唔好因為驚而唔夠膽做正確決定。要清楚知道自己有咩選擇,好好為每個諗法作出計劃,咁就可以幫你做出重要決定。相信自己,立即行動,呢一刻就係最佳時機。

James Lewis

James Lewis

3 分鐘閱讀

相關搜尋

為你推薦...

「要望清楚合約……到底望咩?」簽約小心道理大家都知道,但看見字密密麻麻的文件時,每次都不知要注意什麼,加上「摩打嘴」的HR,最後還是草草簽約。現附上在香港簽工作合約的常見問題及注意事項。

搵到新工作確實令人百感交集。去新環境開始固然令你非常興奮,但前提係你必須先從現職功成身退,你唔會希望損失之前一步步建立嘅人脈關係。

雖然決定辭職並不容易,但花好幾個月思考離職問題,徒勞地等情況改變也不是辦法。在我們的人生中,工作佔了三分一時間,所以工作是否快樂非常重要。

祼辭,是不少人想過但不敢做的事,「頂唔順」現時工作,想跳槽但不少公司希望求職者可以立即上班,不會等一個月通知。但又怕祼辭後不可立即找到工作、失去收入。好好準備的話,就算未找到工作,都可以減輕祼辭的負面影響。

3搵工
中型 · 科技 · 西營盤,香港
17搵工
大型 · 食物&飲品 · 上環,香港
21搵工
大型 · 能源 · 鰂魚涌,香港
9搵工
中型 · 電子商務 · 荃灣西,香港