2019暑期工兼職攻略!

暑假將至,不少學生會找part-time或暑期工,希望賺點外快之餘,放假都唔係咁無聊。到底搵暑期工有咩需要注意?又可以點樣避免中伏,返左工先知工作環境好差?

善用社交媒體搵工

搵得part-time,相信大家都唔想工作地點離屋企太遠㗎啦!如果每次返工都要跨區、過海,動輒花上一個小時交通時間,加上車費又貴,隨時蝕左一個鐘頭的人工!唔想浪費自己辛苦的工作,可以考慮在自家附近搵工。

除了傳統walk in,以及各大招牌網站,其實parttime仲有好多唔同的地方可以搵工!例如,你可以上Instagram或Facebook,搵下相應嘅page和account。

hashtags

在Instagram試試這些hashtags: 香港兼職、Part-time、香港搵工。就會找到不少炒散、part-time機會!

Facebook Group

在Facebook Group搵工:你可以在Facebook上搜尋兼職!Facebook上有很多搵工群組。同Instagram一樣,在搜尋欄輸入相關字眼,例如「暑期工」、「HK Jobs」、「香港Part-time」等即可。

跟地區搵工

都真係搵不到心水工種,直接在Google上搜尋,比在一個一個搵工網慢慢搵有效率得多!你可以試試這個關鍵字眼:「xx(地區)兼職」、「xx(地區)侍應」、「2019兼職咖啡師」等。

直接踩上門市

不少連鎖店會在門市張貼招聘廣告請part-time,這通常代表該店需要人手!你可以帶CV walk-in申請職位。

*註:不論是網上或其他求職渠道,請多留意僱主資訊,提防受騙

冇經驗面試可以講咩?

在門市遞表嘅,如果經理在場,可能要你立即面試!這些時候,千萬不要太緊張,當和朋友聊天即可。

如果你剛考完DSE,沒有太多相關工作經驗,甚至這會是你第一份工,別太擔心!人人都有啱出社會工作的時候,面試你的人都深明這一點。所以若果被問到有沒有「顧客服務經驗」,你可以坦白說:「我暫時沒有相關經驗。不過,我之前在學校/做義工時,有試過服務xxxx人,學懂xxxxx技巧」。

另外,態度好重要!人人都冇咩相關經驗,但如果你願意學習的,能夠與其他人合作,對方請你都有信心啲啦!

面試要點打扮

如果你見普通零售業兼職,千祈唔好著suit!普通t-shirt 牛仔褲都已經適合這個場合啦!避免穿得太暴露,小背心、短褲、人字拖留待同friend去街先啦!

真係冇idea可以著咩衫,可以用 “smart casual” 為基準!

認清「4.18」

不少人第一份工作很容易中伏的地方,就係唔了解自己的權益。可能你覺得,返part-time姐,我返幾多個鐘頭咪收幾多人工。但你有知唔知自己有冇休息日、法定假期、工資支付和扣除的限制、津貼、遺散費等等待遇?

唔好以為這些是長工的同事先有的福利!根據《僱傭條例》,僱員如連續受僱於同一僱主4星期或以上,每星期最少工作18小時,就符合「連續性合約」,可享有如休息日、有薪年假及疾病津貼等的權益。

換句話說,即時你用part-time身分返工,如果你連續4個禮拜返工,而你一個星期至少返18個小時,就有權享獲有薪假期。

每間公司作法不同,各位打工仔記得認清自己的權益,一有疑問,可以向公司或勞工署問清楚!

_ _

編輯精選:

面試衣著指南

面試準備checklist

5個Interview魔鬼細節

5大面試難題 逐一擊破

Team Vanna

Vanna's expert writing team

5 分鐘閱讀

相關搜尋

為你推薦...

FinTech(金融科技)行業人才需求不斷增長,若有意投身FinTech行業,有什麼要留意?

不少人都會參考網上的template製作CV。即使工作經驗、專業技術及學歷都無可挑剔,但CV上的一些細節,都會令HR對你印象扣分。

你記得自己曾經在CV上寫過的經驗嗎?一個微不足道,卻大大幫助求職的小謊言,在不久將來終無所遁形。

踏入畢業的季節,相信不少畢業生對於找工作感到苦惱,一方面糾結是否要找和學科相關的工作;另一方面又擔心入錯行業或「搵錯工」,令CV「唔靚」,影響以後職業生涯。但第一份工作真的這麼重要嗎?

9搵工
中型 · 旅遊 · 赤鱲角, 香港
32搵工
大型 · 電訊 · 香港
10搵工
大型 · 資訊科技服務及顧問 · 銅鑼灣
51搵工
大型 · 保險業 · 香港