討厭自己份工?全球十大古怪工種!

Jobs

想轉行做一啲同原本工作完全無關嘅野,以下工作所需技能可能同你一拍即合,但亦有可能睇完之後決定返去做朝九晚五,不妨睇下有咩工種啦。

1. 有條皇帝脷嘅你

IceCream

所謂嘅「試味」其實各走兩極,一係超級好味,一係狗也不吃。事實上,食品公司通常會聘請品質控制員負責試味,確保每批產品保持應有質素。如果喺雪糕公司或朱古力公司有呢個職位空缺就正,連我都想申請!

有正必有反,當然亦有不太吸引、但同樣重要嘅工作,就係寵物食品試味專員。至於有無人想申請呢個職位,我就唔知道喇,不過鐘意動物嘅朋友應該好慶幸有人願意照顧埋狗仔嘅零食!

2. 鐘意Chur人嘅你

Pushy

日本鐵道公司會聘請「地鐵助推員」,負責將乘客塞入繁忙車廂。車廂嘅載客量或者健康安全唔係佢地嘅首要考量(甚至無考慮過),助推員嘅職務就係負責將塞喺月台嘅乘客,夾硬推入本來就好逼迫嘅車廂度。

3. 嗅覺靈敏嘅你

Smell

坊間有份工作叫氣味辨識員,負責聞發出味道嘅物品。雖然未必係最正嘅工作,但如果你能夠忍受可怕嘅臭味,不妨考慮下。既然有錢賺,聞下口氣、格肋底、臭波鞋又算啲咩?

4. 耐性爆棚嘅你

Queuing

個個都排隊,唔通個個都鐘意排隊咩?當然有錢收就唔同講法,既然有無比耐性,不如試下做專業排隊員?如果對排隊真係無興趣但又鐘意企,可以物色要真人定格演員嘅場合,著上服裝企喺櫥窗面前演出。

5. 夠Guts嘅你

Snake

原來治療毒蛇咬傷嘅解毒劑,只有一個方法可以提取,就係靠人手按摩蛇口入面嘅毒腺萃取毒液,真係無咁上下膽識都做唔到呀!自命大膽嘅你不妨試下。

6. 善於潛水嘅你

Diving

熟水性嘅你可以考慮喺高爾夫球會幫手潛水搵返啲波,或者飛去阿姆斯特丹,潛入市內運河,搜索棄置同亂放嘅單車。仲有,佛羅里達州一間水底酒店需要水底薄餅速遞員,確實係非常另類嘅送貨體驗!

7. 貪玩嘅你

Rollercoaster

坊間有數之不盡嘅型格產品,其實每項都需要不斷測試同試用先可以推出主流市場。其中受歡迎嘅有運動用品,無論係網球拍定高爾夫球棍,呢類公司都會聘請有志發展嘅團隊,負責重要嘅測試步驟,完成後先推出新嘅原型同產品。對運動無興趣?仲有水上滑梯、過山車、牀褥等,呢啲產品同用具都要經過相似嘅品質鑑定程序架。

8. 一秒變喊包嘅你

Crying

雖然講出黎都未必有人信,但亞洲有啲國家,有人自僱為哭喪女或喊口婆,喺喪禮上代哭。抗拒白事嘅朋友可以試下喺人地嘅大日子擔任職業姐妹或者兄弟,為婚禮加入魔性嘅笑聲,肯定好受歡迎。

9. 無賭不歡嘅你

Gamble

係就係賭,不過係全職參加免費賭博比賽黎贏取報酬。唔少網站登廣告賺錢,用免費贏錢吸引人流,所以定期有奬金奬品俾用戶,輸左無後果,贏就攞錢或者奬品。喺限定時間入面不斷參加本地同國際賭博比賽,話唔定可以以此為生,而且你仲可能贏到一啲賭具添。

10. 癲喪嘅你

Mad

為左研究昆蟲行為,有研究人員會選擇移居到非常多蚊嘅偏遠熱帶雨林。除左每日俾蚊咬到全身幾百撻,日日被昆蟲針之餘,重要面對可能患上瘧疾嘅機會。其實,究竟要有幾討厭而家份工作先會轉行同呢啲研究員作伴?

Sueanne Parker

Writer, Production specialist, Creative enthusiast.

6 分鐘閱讀

相關搜尋

為你推薦...

有多少次你睡眼惺忪地打開衣櫥,想著「我沒有衣服可穿」,或隻是想在每天的日常穿搭中來點新意?一起來學知名企業家的上班穿搭!

最怕在公司講錯說話﹐得罪人於無形又顯得自己無能,有時真的神仙難救。話說得好是藝術,但避免說錯話就是人人都要學的技術。以下一些說話,基本上要避免講。

辦公室設計隨時代變遷,你在八十年代的電影中看到那些舒適的小間隔風行一時,那就是標準的辦公室設計。隨著世界轉變,公司開始會考慮要採用開放式的辦公室格局,還是較傳統的辦公室風格?

男女薪金差異,到底是因爲玻璃天花板效應(Glass Ceiling Effect),還是其他原因?

9搵工
中型 · 建築規劃 · 鰂鱼涌,香港
30搵工
大型 · 法律 · 中環,香港
5搵工
小型 · 電子商務 · 紅磡,香港
7搵工
中型 · 食品飲料 · 上環,香港