7大香港最潮員工福利

除了薪酬待遇外,越來越多打工仔重視公司的福利。事實上,有數據指出六成人在接受offer時,會將福利納入主要考量之一,而八成人更會寧願以更好的福利,換取加人工。

有錢唔係萬事足,以下7間公司為員工提供極荀福利。到底有幾正?立即拉下去看!

屈臣氏集團:醫療健身一take過🍎

作為全球最大的國際保健及美容零售商,屈臣氏集團非常重視旗下員工的身心健康。位於火炭的辦公室設有員工診所,如果你不幸lunch食錯嘢腸胃不適😷,搭個lift就可以到員工診所度搵幫手!當然,預防勝於治療,平時多做運動就不怕身子咁弱啦!有心做運動的你,一定會喜歡屈臣氏集團的健身室和午飯時段健身班🏋️!

最後,公司深明新手媽媽返工面臨不同困難,所以貼心地在辦公室設置哺乳室,幫你免去躲在洗手間的麻煩!

屈臣氏集團職位空缺

card_aswatson

亞洲萬里通(Asia Miles):平機票✈️

亞洲萬里通附屬國泰,旗下員工與母公司一樣,員工可以折扣價購買機票。有員工更分享說,不少同事會在週末去個short trip再回來工作!小編都好想可以咁chill,去旅行講到好似坐地鐵咁啊😩!

其實,不少亞洲萬里通的員工都是喜歡旅行的年輕一族。如果你都有「豁出去漫遊,不通知親友」的傾向,不妨看看他們有沒有適合你的職位空缺!

亞洲萬里通職位空缺

card_asiamiles

Miro:免費跑鞋👟、無上限假期🌴

人人都話AI是下個大趨勢,而Miro就用AI改變體育產業,協助運動員、運動品牌與賽事舉辦方立刻找到徑賽照片。Miro雖然運用AI識別運動員,但希望自己的員工唔會淨係坐係度識別其他運動員😂!所以,公司每年送員工一對跑鞋👟,鼓勵員工多運動,保持身體健康。

Miro著重結果而非工作時間,所以員工可享有無上限假期,而沒放假時也可以自行決定上班時間⏰。換句話說,你毋需再日日撳熄鬧鐘十幾次,再掙扎著爬起身返工啦!如果你討厭繁忙時間人逼人的巴士、地鐵,也可以選擇早點上班早點走!

Miro職位空缺

card_miro

煤氣公司(Towngas):營養師幫你keep fit🏃

有幾多人覺得自己返工後越來越「有福氣」?在office辦公的打工仔一日動輒坐上8、9小時,不但身型容易走樣,健康也可能受影響。煤氣公司重視員工的身心健康,HR同事會定期邀請營養師到訪公司,和員工分享健康資訊。

除了「食」之外,公司也鼓勵員工「喐動」多啲。員工可自由使用位於總部的運動設備,為大家免去健身室會籍的負擔(亦毋需再比人sell會籍),每個月省下幾百元!

煤氣公司職位空缺

card_towngas

香港寬頻:工時短假期多🏖️

不計加班,你平日返工返幾多個鐘頭?一般香港打工仔的辦公時間係9-6,但香港寬頻的同事,只需返9-5咋😵!事源香港寬頻推崇生活工作優次,認為你要有life先可以在work上面拼搏!

另外,每月其中一個星期五係半天工作日。若遇上公眾假期,會另外安排。唔止咁,公司係大時大節,例如冬至、平安夜、新年、農曆新年除夕等,都會比同事早半日走。另外,同事每年仲可享有一日家庭關顧假期、一日入職週年假期,同埋兩天義工假期。咁搞法,加加埋埋每年多成十日假!

香港寬頻職位空缺

card_hkbn

foodpanda:免費午餐🍕

原來世界上真係有免費午餐㗎!

foodpanda的員工都是一群foodie,公司定期舉辦霸王餐活動、每月社交預算,平時也提供免費食物。如果你心思思想叫外賣,foodpanda也為員工提供訂餐優惠🍔🍟。你身邊有冇朋友Instagram feed上面食物多過人,但又唔會「相機食先」(因為食對佢哋來說太重要啦🤤)?有的話,快點叫佢睇下有冇foodpanda有冇心水職缺啦!

foodpanda職位空缺

card_foodpanda

idNerd Studio:工作時遊戲🎮

idNerd Studio為賭場及博彩行業提供具創意的解決方案,例如頭獎動畫和老虎機遊戲設計。

彈性工作時間、在家工作(home office)越來越普及,但idNerd Studio既然從事創意工業,當然不止單單讓員工自由上下班那麼簡單啦!公司相信要求員工坐足8個小時工作,並非最有利的工作模式。所以,idNerd Studio員工可享靈活工作/遊戲時間。做得idNerd Studio的,都熱愛電影、遊戲和動漫。因此公司為員工提供足球機、電子遊戲機等等,員工做到攰可以去玩玩遊戲,充夠電再拼搏。

idNerd Studio職位空缺

card_idnerdstudio


編輯精選:

2019年薪酬趨勢

今時今日仲講Work-life Balance?

不容忽視⚠️9大Burnout警號⚠️

【2019求職秘笈】CV設計、用字、排版攻略

Team Vanna

Vanna's expert writing team

11 分鐘閱讀

相關搜尋

為你推薦...

Marketing係Vanna平台上最多人申請的工種之一,如果你都想加入這個行業,或者你想跳槽,就繼續看下去啦!立即送上 Vanna 十大精選 Marketing 筍工!

Did you know that working can be fun? Meet two girls who love their work and are having a blast at it!

有公司請緊超過10個IT職位空缺!搵緊工?IT出身?即睇各大五月搵緊IT人才的公司啦!

不經不覺,暑假就悄悄地來臨啦。如果你打算暑假做intern儲經驗整靚CV,立即睇2019年香港筍intern,由startup到corporate一應俱全,一個post就可以搵到心水intern!

91搵工
大型 · 航空 · 赤鱲角
2搵工
大型 · 科技用品飾物 · 香港紅磡
13搵工
中型 · 旅遊 · 赤鱲角, 香港
12搵工
大型 · 技術 · 觀塘,香港