你讀啱學位嗎?從世界知名CEO經驗學習

Graduation

無論你係東方定西方接受教育,今時今日世界好多人都視大學學位為成功基石。但學位學科選擇對你有幾大影響呢?以下來自最成功人士-全球知名CEO們嘅心得。

實用學位

唔少著名CEO嘅本科都係同佢地嘅工作直接相關。可能佢地已經清楚自己興趣所在,所以知道自己需要利用大學教育去幫助自己投入社會 。

最著名例子:Michael Bloomberg(彭博行政總裁)於1966年取得哈佛商學院工商管理碩士學位;Bob Iger(華特迪士尼公司主席及行政總裁)由伊薩卡學院取得電視及廣播理學士學位,而且最近被Chief Executive雜誌選為年度行政總裁;當然重有Larry Page(Google行政總裁)佢取得電腦工程榮譽學士學位同埋電腦科學碩士學位。

Elon Musk,Jeff Bezos,Marissa Mayer等等嘅例子數之不盡,佢地嘅履歷全部都證明學位嘅重要性

毫不相關學位

亦有成功人士讀嘅學位同佢地現時的事業毫無關聯。例如Mark Parker(Nike行政總裁)當年係美國賓州專修政治學,同時佢亦有參與跑步運動。佢以鞋類設計師嘅身份開展係Nike嘅事業,同佢嘅主修科完全無共通點。 Stewart Butterfield(Flickr同Slack創辦人及行政總裁)擁有哲學學士學位,而佢係之後先開始網頁設計嘅事業。 Brian Chesky(Airbnb行政總裁)曾係羅德島設計學院主修工業設計。

重有馬雲(阿里巴巴行政總裁),佢擁有英文文學士學位,更有趣嘅係,佢考四次先獲杭州師範學院取錄!

無學位

其實學位係咪必需呢?不少人最鐘意的故事,都係企業家憑決心孤注一擲去達成理想,以強大嘅意志同堅毅不屈精神獲得成功。

大家其中一個最為人熟悉嘅故事一定係長實主席李嘉誠,佢十五歲時父親過世,之後輟學並係塑膠廠工作賺錢養家,七年後自己開設塑膠廠整膠花,今時今日已貴為香港首富,創造自己嘅商業王國。

創業家例子仲有Bill Gates,佢放棄當時攻讀緊嘅哈佛法律學位,轉而修讀電腦科學課程,最後離開大學全心全意創辦微軟。Mark Zuckerberg亦有類似經驗,佢離開左哈佛全職創造當時未普及的facebook。

而一向都高深莫測嘅Richard Branson完全無讀過大學,但佢創立左維珍集團,現時係航空業,娛樂同創投方面都係首屈一指嘅公司。

雖然每個成功故事都係獨特嘅,但呢啲人士身上都有一個共通點。無論佢地有定無學位,最重要都係之後嘅行動-佢地表現咗堅持、熱情、自信、樂觀精神同努力。


當然唔係全部人都會成為世界知名嘅CEO,但我地都可以從佢地嘅故事中學習。其中最重要嘅係我地應該保持一直學習嘅渴望。Branson曾經講過notes,如果你選擇直接投身工作而唔係讀大學,咁唔代表你停止學習同個人發展。咁只係代表你以另一種方法去達成呢個目標。

Sueanne Parker

Writer, Production specialist, Creative enthusiast.

3 分鐘閱讀

相關搜尋

為你推薦...

搵到新工作確實令人百感交集。去新環境開始固然令你非常興奮,但前提係你必須先從現職功成身退,你唔會希望損失之前一步步建立嘅人脈關係。

雖然決定辭職並不容易,但花好幾個月思考離職問題,徒勞地等情況改變也不是辦法。在我們的人生中,工作佔了三分一時間,所以工作是否快樂非常重要。

很少人第一份工就做一世 (公務員除外),除非你十分幸運,第一份工作就是 dream job,否則它多半都不是你最喜歡的,或者它只是你「騎牛揾馬」的救生圈,但這並不代表這份工作沒有意義。

祼辭,是不少人想過但不敢做的事,「頂唔順」現時工作,想跳槽但不少公司希望求職者可以立即上班,不會等一個月通知。但又怕祼辭後不可立即找到工作、失去收入。好好準備的話,就算未找到工作,都可以減輕祼辭的負面影響。

24搵工
大型 · 食物&飲品 · 上環,香港
8搵工
小型 · 技術 · 蘭桂坊,香港
3搵工
小型 · 技術 · 灣仔,香港
11搵工
中型 · 電子商務 · 荃灣西,香港