9成僱主會用社交媒體搜查求職者,如何應對?

WatchingYou

雖然聽落好似偷窺,但你不得不承認僱主會用社交媒體搜查求職者資料。事實上,調查顯示高達93%嘅僱主會檢查潛在僱員社交媒體! 僱主通常會:

  • Google搜尋你個名(通常會搵到你嘅LinkedIn或者Facebook個人檔案)
  • LinkedIn,Facebook或者Twitter搜尋你個人檔案
  • 新增你電話號碼以查看你WhatsApp同其他聊天程式上嘅個人相片 僱主想知道嘅資訊有:
  • 共同人脈-佢地可以向邊個了解有關你嘅資訊?
  • 你履歷表上無包括嘅資訊
  • 檢查你履歷表提及過嘅內容
  • 任何跡象顯示你屬於良好人選…或者相反

通常你進入面試之前,社交媒體檢查就已經完成,所以向潛在僱主求職前,你應該確保你已經整理好網上個人資料 。 想表現最佳形象,你應該:

1. 更改私隱設定

大部分社交媒體都有私隱設定。你可以設定貼文可以俾朋友或其他社交媒體使用者見到,而值得關注,大部分人都唔使用甚至唔知道呢個功能存在。如果你唔肯定,可以嘗試用瀏覽器無痕或私隱模式查看自己嘅檔案,咁就可以知道其他人睇你個人檔案時所見嘅內容。

2. 清理個人檔案

上載合適同專業嘅個人相片(包括聊天程式例如WhatsApp)。曾經上載過派對後瘋狂或搞笑圖?Delete!鬧過你前同事,老闆或者包租婆?Delete! 清理個人檔案唔代表你要完全改變自己形象,而喺代表你應該退一步,重新審視自己曾經透過社交媒體向外界分享嘅一言一語。過去嘅一時錯誤,即使只喺一張相或一個貼文,都可以影響你獲得夢寐以求工作嘅機會。

3. 確保你有社交媒體踪迹

如果你擔心自己嘅社交媒體內容,諗緊要完全刪除個人檔案,請你三思!雖然無社交媒體好似比一個壞個人檔案好,但咁樣喺唔會幫助你宜家或將來得到你嘅理想工作。 眾多公司都會質疑一個完全無社交媒體活動嘅求職者。根據Career Builders一項調查,57%僱主表示如果網上搜查搵唔到求職者,佢地會減低該求職者嘅面試可能。你應該留低好嘅網上踪迹,表現俾未來僱主睇你喺一名合適且值得信賴嘅不二人選。

4. 留下好印象

幾乎所有僱主都想搵理由去支持僱用合適人選,而非淘汰原因。如果你想更進一步向人力資源主管留低好印象,咁就應該建立良好網上個人檔案以增加求職成功機會。主動發文或者留言於同求職行業有關嘅資訊,或者單單轉發有關聯嘅文章已經可以表現你嘅專業精神同對行業嘅興趣。 你亦可以請同僚幫你喺LinkedIn寫推薦文,或請佢地認可你嘅技能以強調與同事良好嘅關係。但緊記保持資訊及時同關聯你申請緊嘅職位。 社交媒體上,全世界都觀察到你一舉一動。所以緊記檢查私隱設定,了解自己邊啲資訊網上流通,以及於求職前清理好個人檔案!

Armela Escalona

freelance blogger who writes about work, tech and productivity

3 分鐘閱讀

相關搜尋

為你推薦...

對於我們中的大多數人來說,市場提供的職位趨向於兩個極端。誠然在大型企業或知名品牌中工作有著十分積極的影響,但我們也不能忽視小型的、新式的初創公司。

你已經工作兩年、幾年、十年,但始終懷疑自己是否適合目前工作的行業,或者你想有新挑戰,但覺得現在才轉行會否太遲,但其實,轉換行業未必如你想像的困難。

嚴格而言,我們真正的「第一份工作」是實習。雖然實習可能是我們履歷上最短的工作經驗,卻帶給我們最刻骨銘心,甚或令人尷尬的回憶。

作為公司一員,你可能有各式各樣原因想離職。可能你即將要搬去新環境,或唔滿意現時職責;又或者你想走另一條職業路徑,希望開始新挑戰…

9搵工
中型 · 建築規劃 · 鰂鱼涌,香港
6搵工
小型 · 電子商務 · 紅磡,香港
29搵工
大型 · 法律 · 中環,香港
10搵工
大型 · 食物&飲品 · 上環,香港