【面試問題】當 HR 問你有咩缺點,點答?(附參考例句)

Interview Pro Tips Weakness

見工面試就如過關斬將,除咗準備 自我介紹點傾人工「你有無問題想問?」,仲要 prep 定 HR / 面試官其他刁鑽問題!嚟到 2020 年,仲可以點樣應對「你覺得自己有咩缺點?」

Interview 原意係了解大家適唔適合某工作職位,所以就算答「缺點」類問題時,唔需要虛偽、夾硬「兜」,但切忌自暴其短!

準備答案時,可以嘗試從性格、能力和經驗作為構思方向,睇下有邊個範疇最值得同面試官分享。以下係實戰例子:

【講性格】

► 同職位有關,但非致命弱點 / 可改善的處事方式

「我係一個 Deadline Fighter」

「Deadline Fighter 嘅意思唔係最後一刻先開始做,而係最後一刻先交。好多時越接近 deadline,有新 idea 嘅時候我就會自己推翻之前所諗嘅,不斷思考點樣可以做得更好,搞到最後好趕。當然我會確保自己限時內 meet 到 target,唔係求求其其交貨...... 」

► 符合該公司 culture 的「缺點」

「我份人怕悶」

「對於單一、重複嘅 paper work,我個人比較抗拒,亦唔擅長。相反,我鍾意涉獵唔同範疇,例如 digital campaign、SEO 等,需要緊貼市場 trend 同 tech 方面發展,永遠都有新嘢學。」

【植入式廣告】搵工時記得上 vanna.com 了解唔同公司文化

【講能力:難度較高】

► 不懂亦無傷大雅的 skills

例如你見 marketing 工:「我唔識 design」

「我可以用美感同直覺判斷張相或者 feed 靚唔靚,但我唔識自己整一幅出嚟,我喺 visual communication 方面比較弱。之前自己學咗少少簡單嘅 Photoshop,未來有機會再學多啲。」

【講經驗】

► 展現彌補相關經驗不足的決心

「相關經驗唔多」

「我經驗係唔夠,但我會用努力去彌補。例如自己睇多啲 case studies、向同事虛心求教,有機會亦想喺呢方面進修,令工作更快上手。」

► 你與其他 candidate 的不同之處

「大學 major 同職位不相關」

「同其他讀 Business 出身嘅人比較,我嘅起跑線可能後少少,始終喺大學四年大家 focus 嘅學科唔同,我無喺學習讀過相關 theory。但我平時會留意唔同財經雜誌,例如 Forbes、Harvard Business Review,自己 explore 多啲唔同市場嘅動向。與此同時,我大學讀 Psychology 所訓練嘅思考模式對於呢個工作崗位亦有幫助。」

--

講到尾,interview 對答只係一種說法,重點在乎你待人處事係咪誠懇、工作態度積唔積極。每個人、每個 job nature 都有差異,以上例子未必能完全套用於你身上,但不失為一個引導你思考同準備嘅參考材料。

Vanna 編輯部祝大家搵工順利、interview 成功!

--

編輯精選:

面試難題拆解:「你點解想轉工?」

CV設計、用字、排版攻略 - (內附Template)

如何解釋「工作空窗期」?

2020年香港實習機會 (持續更新🔍)

Team Vanna

Vanna's expert writing team

6 分鐘閱讀

相關搜尋

為你推薦...

Digital Marketing 講求創意與實戰,面試時就算預備好自我介紹、公司背景等等基本問題,但不懂應用,都可能被面試者殺個措手不及!

在搵工跳槽過程,你我都不得不面對一個HR必問的問題——「點解想轉工?」答得不好,可能影響對方對你的信任,立即被踢出局 !

Interview被問去過去失敗經驗,不少人都會心慌,不知要講什麼。 面試官問「失敗經歷」,在意的其實不是你的失敗,而是你從失敗學習的能力。以下是作答方法及例子分享。

Google出名面試問題刁鑽,就算你預備好自我介紹、公司背景等等基本問題,都可能被殺個措手不及!不少僱主也紛紛在面試中加入「惡搞」問題。就算你不是考Google,預備這些問題都沒有損失!快啲睇下你夠唔夠醒目啦!

9搵工
大型 · 法律 · 中環,香港
16搵工
大型 · 資訊科技 · 鰂魚涌,香港
58搵工
大型 · 零售 · 火炭,香港
15搵工
大型 · 餐飲科技 · 上環,香港