點樣拒絕Offer,為自己留後路?

Decline The Offer

搵一份工有時同打工一樣咁困難,要搵一份合適自己嘅工,更新履歷表,寫求職信,去面試以及同面試官作跟進都相當費時,而且係唔保證你一定會獲聘!

當你終於收到Offer,似乎唯一可以做嘅就係要左佢,但其實呢個唔係金科玉律。

收到Offer但唔想要,點處理? 能通過整個面試程序而有offer,代表公司覺得你符合要求。雖然時機不合,但正所謂山水有相逢,佢地對你嘅印象都相當重要──你唔會知佢地會同邊個提起你。所以如何有禮貌拒絕offer,避免得罪人就非常關鍵。

直接溝通

大部分人會以電話留言或者上網揾罐頭式電郵去拒絕offer,呢種手法等於同對方講「日後唔駛見」 ,你唔會希望對方留下一個你唔珍惜機會、唔感恩嘅壞印象。 比起容易嘅方法,你應該直接聯絡人事部,打電話問佢地有無時間討論你嘅情況,過程盡量保持誠實。

深入解釋

雖然人工係合理拒絕理由,但你可以深入探究點解呢份工唔適合你。你唔需要因為講錢而覺得唔舒服,但純粹因人工拒絕可以會令你顯得只顧金錢而非發展機會。

取而代之,你可以考慮其他更好理由去解釋你拒絕點解拒絕。待遇可以係其中一項,但你都需要提供其他更重要嘅原因去支持你嘅決定。 重點係你必須尊重對方同好好交待你嘅原因,咁先可以同公司保持關係。去到臨門一腳,代表你同公司都付出左一定時間係對方身上,所以最少你都要保持同公司關係良好。

唔好延遲

儘快通知人事部,咁人地先可以揾其他求職者,唔好俾假希望拖住人地,搞到佢地最尾請唔到人。

迅速回應可以表示尊重,所以願意同佢地開放地溝通。無人希望浪費時間,如果佢地招聘緊某個職位,代表佢地缺緊人手。你拖住唔答覆會妨礙佢地嘅進度,令人對你有負面印象。

快捷回覆以及個人化電郵通知可以助你建立有價值嘅人脈關係,而非純粹曾經聯絡嘅關係。

搵工過程可以好困難,但有個offer 可以俾你拒絕,代表有人賞識你嘅技能同性格,呢個係好機會而你一定要好好把握。千祈唔好過河拆橋,記緊活用所有機會!

Chris Chu

Freelance writer, passionate about professional and personal development.

2 分鐘閱讀

相關搜尋

為你推薦...

統計顯示,逾七成職位空缺不公開招募。公司依賴員工介紹尋找合適人選。內部推薦,不能保證請你,但絕對比唔識人好!這次和大家分享不同情況下,如何開口揾人介紹工作。

所謂「快人一步,理想達到」,即使你還未畢業,也可以藉著一些實習機會,了解自己是否適合在某個行業發展,使日後畢業也較容易掌握就業方向。

不少人都會參考網上的template製作CV。即使工作經驗、專業技術及學歷都無可挑剔,但CV上的一些細節,都會令HR對你印象扣分。

踏入畢業的季節,相信不少畢業生對於找工作感到苦惱,一方面糾結是否要找和學科相關的工作;另一方面又擔心入錯行業或「搵錯工」,令CV「唔靚」,影響以後職業生涯。但第一份工作真的這麼重要嗎?

7搵工
中型 · 技術 · 觀塘,香港
6搵工
小型 · 電子商務 · 紅磡,香港
12搵工
大型 · 技術 · 觀塘,香港
11搵工
大型 · 能源 · 鰂魚涌,香港