辦公室生存手冊

Politics

人在職場,身不由己。你不找辦公室政治,辦公室政治也會找上你。不難看到同事因權力和利益而產生大小矛盾甚至是衝突。到底要如何處理好同事之間的關係呢? 在辦公室的生存之道,不是對是非八掛不聞不問就可以,要避開一切爾虞我詐,看看以下法則。

1.了解大環境

做好自己唔等於咩是非都唔理,八卦的目的唔係為左講人是非,正正就係為左避開是非!扮清高唔會幫到你知邊個暗地𥚃已經得罪左大阿姐,你仲唔知死一個頭衝埋去就無人救到你。最好早一步觀察清楚大形勢,搞清楚人物關係圖,除了靠聽,也可以靠睇linkedin、facebook等平台。

2.做好人,儲人脈

即使摸清同事底,新人始終是新人,究竟埋不埋堆,埋邊個堆?先別急,揀錯地盤更大獲,隨時犯下高層的大忌。謹記要說好話,做好事,「存細心」。與大部分同事保持良好關係不容易,除了要對最常合作的同事友善,對不認識,但又經常在pantry、走廊碰到的同事,也不妨傾兩句留下容易親近的印象,千萬不要以為打個招呼會好odd,其實當人/被人當透明更差!

3.忌吐苦水

就算在工作上受了多大冤屈,都不應該在公司訴苦。不論是同事、上司,甚或好像不關事的清潔呀嬸,都千萬不要在公司方圓十里吐苦水。因為,比起做你的情緒垃圾桶,你的同事更想留多點時間追target,或者早點放工。而且,你的隔離位是一個值得信任的聆聽者嗎?你的苦水冤有頭,債有主,一說出來,很容易又成為新鮮熱辣的八掛材料。不是你的好同事張揚開去,也要小心隔牆有耳。就算收工之後,也請不要急不及待用手機同朋友share公司事,地鐵上時不時都聽到人錄音講是非,如果大家同事同一時間收工,與你偶遇於車廂中其實唔難。

4.忌講上司壞話

唱衰上司,係最唔應該做的嘢,同職場自殺無分別。今日你同其他人講上司是非,代表他朝有日你隨時可插其他人,同事當然有是非就食花生,但會暗暗記住你插上司一刀。所以上司壞話半句都唔可以講,其他人講個陣你身處其中,惹人誤會,最好揾個藉口行開。

5.權責分明

大公司多政治係人都知,但點避開火頭同伏位?新人通常不涉權力鬥爭,但難保不會成為派別之間的犧牲品。又或者唔知程序又唔同人講,所以一定要確保自己知道每項工作的程序,啲email耐唔耐CC俾相關parties。尤其一開始返新工,有野唔明、唔肯定,點都要問人,情願俾人話咩都問,唔夠醒目,都好過犯大錯累到人累埋自己。

舉個例,A入一間大公司做Junior半年,工作剛上手,個Senior Manager叫佢做一個competitive market research。上司叫做下屬執行本身無問題,錯就錯在A無通知佢的Senior及Manager,去到開會先知上頭叫個Junior做research report,仲要阿A漏左啲重要KPI無加入個report。份report好地地無咩錯都算,有錯就一定入Junior的直屬上司數,而家就係咁嘅情型,A往後與直屬上司合作的氣氛可想而知。

都係個句,天生醒目的人唔會好多,都係靠細心觀察,同埋小心做人,最唔好就係以為自己咩都識,通常呢啲最易出事。

Sophia Wong

從事Marketing,撰寫揾工及面試技巧等職場文章。

3 分鐘閱讀

相關搜尋

為你推薦...

辭職不代表永別,永遠唔知自己和同事會否在職場上重逢。為了好來好去,散水餅這一環並不能馬虎!這次和大家推薦幾間本地IG網店,希望你能買到相對划算又特別的餅!

招聘廣告、未來上司講到幾好都好,去到返工先「見真章」。如果對方「貨不對辦」,發現中伏,如何閃人而不失霸氣?

研究顯示50-75%嘅人士曾經遇到職場欺凌。所以即使你無親身經歷過,好可能你都曾見過其他人遭受欺。

善於交際的人總是有著十分明顯的特質。他們能在同陌生人的交往中自然地從一個話題過渡到下一個,同時圍繞合適的話題展開討論並問出正確的問題,最後還能逗得別人放聲大笑。不過並不是所有人都與生俱來的有著這樣的基因,所以如果你並不能在聚會中進行有效的社交,這也不是什麼大事。

33搵工
大型 · 電訊 · 香港
31搵工
大型 · 能源 · 鰂魚涌,香港
2搵工
大型 · 科技用品飾物 · 香港紅磡
62搵工
大型 · 零售 · 火炭,香港