辭職必備Checklist:功成身退20步

Leaving Your Job

搵到新工作確實令人百感交集。去新環境開始固然令你非常興奮,但前提係你必須先從現職功成身退,你唔會希望損失之前一步步建立嘅人脈關係。以下係一啲實用步驟,幫你順利離職,亦保護自身聲譽:

事先計劃

  1. 首先,做任何舉動之前,你要確保已經同新僱主完成、確認所有僱用嘅細節。一日未簽新合約,一日都未係百分百肯定!

  2. 好好計劃同籌備點樣安排你現職嘅職責轉移。千祈唔好將任何未完成工作或者更新就咁留俾上司!你可以準備一份清單建議點樣將你手頭工作轉移俾部門內其他同事。

  3. 準備寫辭職信,封信應該簡單表達謝意,其他內容可以留返面對面先講,因為辭職信會同時轉交人力資源部同事同埋其他人。緊記要係信內提及最後上班日期。

  4. 好好考慮點樣向上司、同事解釋離職原因,無論最後原因係咩,都要確保說辭正面同埋一致。

  5. 提前考慮可能發生的事,如果上司提出改善待遇,你會點樣應對。

  6. 檢查清楚現職合約上提及嘅離職通知時間,如果你準備提早離職,你應該準備一個計劃俾上司確保公司唔會因你提早離職受影響。如果你所屬職位較難搵人頂替,你亦可以比合約訂立時間更早提出離職。以上情況都係可以商議,所以係任何會議前你應預先準備好解釋。

  7. 檢查你合約上其他條文:你有無未拎假?你有無未繳交費用?辭職會否影響花紅?

第一步:通知老闆

  1. 你一定要首先通知你老闆或者頂頭上司,因為佢應該係第一個知道你要辭職人。千祈唔好同其他人講先,消息可以好快係公司內傳開去!

  2. 你必須親身辭職,而且要交埋辭職信。如果你老闆或者頂頭上司人在外地,你應該安排一個電話或者視像會議去通知佢。

  3. 如果時間許可,你亦可以提議自己訓練埋頂替你職位嘅新人。

第二步:通知其他相關人士

  1. 你可以先同老闆或者頂頭上司商量,有共識地通知其他人。你可以建議係下一個團隊會議宣布,又或者寫電郵去通知所有人。

  2. 盡量安排約見你係公司內嘅Mentors同Sponsors,即使只係一個簡短對話,佢地都值得你用少少時間面對面告知你嘅決定。

第三步:例行公事…

  1. 大部分企業都有一系列既定程序你要先完成,而離職面談(通常由人力資源部負責,主要想搵出公司可改善之處,又或者係個別員工經歷問題)係非常普遍,而且你將會有好多表格要填。

  2. 係最後返工日之前你應該開始清理桌上任何個人物品,你絕對唔會想番屋企或同同事出去食飯重要拎住咁多野…

  3. 確保你要向你嘅團隊寫一封電郵表達謝意,記得加埋你嘅LinkedIn連結去保留你嘅人脈關係。

注意事項

  1. 係整個辭職過程保持專業。你希望同公司保持正面關係,確保你有好嘅reference同埋未來有機會再受聘。

  2. 直到最後一日最後一刻都對負責工作付出百分百努力!如果你有好好計劃點樣轉移手頭工作,你應該可以係離開前順利轉移大部分職務。

  3. 如果你要辭職轉去為公司直接競爭對手工作,你應預備好辭職後會被要求離開辦公室,你電腦登入都會迅速被刪除以保護公司敏感資料。

  4. 千祈唔好擅自copy數據又或者係機密資料同檔案。

  5. 最後,記得更新個人檔案(例如LinkedIn),同埋加番任何之前遺漏左嘅connections。


搵到新工作確實令人百感交集。去新環境開始固然令你非常興奮,但前提係你必須先從現職功成身退,你唔會希望損失之前一步步建立嘅人脈關係。以下係一啲實用步驟,幫你順利離職,亦保護自身聲譽:

編輯精選:

如何解釋工作空窗期?

返新工中伏,如何得體走人?

如何「準備」祼辭?

5個決定離職的理由

James Lewis

James Lewis

5 分鐘閱讀

相關搜尋

為你推薦...

雖然決定辭職並不容易,但花好幾個月思考離職問題,徒勞地等情況改變也不是辦法。在我們的人生中,工作佔了三分一時間,所以工作是否快樂非常重要。

很少人第一份工就做一世 (公務員除外),除非你十分幸運,第一份工作就是 dream job,否則它多半都不是你最喜歡的,或者它只是你「騎牛揾馬」的救生圈,但這並不代表這份工作沒有意義。

祼辭,是不少人想過但不敢做的事,「頂唔順」現時工作,想跳槽但不少公司希望求職者可以立即上班,不會等一個月通知。但又怕祼辭後不可立即找到工作、失去收入。好好準備的話,就算未找到工作,都可以減輕祼辭的負面影響。

你已經工作兩年、幾年、十年,但始終懷疑自己是否適合目前工作的行業,或者你想有新挑戰,但覺得現在才轉行會否太遲,但其實,轉換行業未必如你想像的困難。

24搵工
大型 · 食物&飲品 · 上環,香港
8搵工
小型 · 技術 · 蘭桂坊,香港
3搵工
小型 · 技術 · 灣仔,香港
11搵工
中型 · 電子商務 · 荃灣西,香港