如何突破見工第一關:phone interview

workinghours

不少人求職的時候都會海量send CV,好多時已經唔係好記得揀咗邊啲公司。誰不知突然一個hr電話打嚟,要求同你做個初步的電話面試,霎時間無乜準備、對呢間公司又無頭緒,份工咪隨時凍過水?

嗱,其實就唔係無辦法嘅,只要做足準備,自然能夠應付自如。以下是四個電話面試的必勝法︰

環境唔好太嘈

做電話面試的時候,盡量避免在地鐵站或者人流太多的地方,若然對方聽唔清你講乜,只會是不停問完又問、重覆又重覆,整個流程不順暢,留下的印象始終唔係太好。可以的話,找一處較為安靜的地方,或是cafe坐下接電話,突顯出你對面試的尊重。萬一真的一時行唔開、環境太差,亦不要硬上戰場,可嘗試向對方說明現況,並禮貌提出要求,例如十分鐘後再打電話,相信對方亦會諒解。另外,你亦要保證找的地方信號良好,方便接電。

對申請職位 / 公司唔好一無所知

明嘅,有時候投咗幾百封CV,真係唔知自己申請咗咩公司和職位。話雖如此,做電話面試之前點都要做下功課,起碼搞清楚公司係做啲咩、你份工的職責先。但萬一不好彩,你真的不記得,都千其唔好問「我申請的職位是什麼」之類的問題。當HR打來向你約時間,你應該要求對方用電郵確認面試的資料,而透過電郵就自然可以找到公司的資料。雖然香港HR打來的時候多數都會提及公司和職位,但聰明小小嘅,都應該喺send CV後記低自己申請咗咩職位、公司名同日期。

自我推銷

自我介紹是面試中的第一關,亦建構了後面過程的面試方向,對方會從中找他感興趣的內容延伸問下去,可以說自我介紹是幾乎定調了整個面試。因此,在回答中要用公司的角度講述自己的相關技能和經驗。例如你應徵的職位需要你整圖,而你又有相關經驗,就必定要着重強調這一點。就算是無任何經驗的新人,亦可以提下學校社團或是實驗經驗。在自介的過程中,重點是說服對方你符合職位所需,唔需要過於謙虛,適當吹噓一下亦是應該。

弱點變優點

hr必問的問題之一:你的弱點是什麼? 話就話係咁問,但千萬別傻,其實他不是真的想知你有咩缺點,反而是想看你的自我反省能力和求進心。舉個例子,當你的資歷與申請職位不符合、或是欠缺某一方面的經驗的時候,第一件事就是不要講大話,如果你返工咩都唔識做、被人揭穿,相信你份工都好快玩完。你不妨坦誠告知對方,你的經驗可能不足,但強調自己十分有誠意去改進這個問題,例如你將會付出怎樣的努力、有哪方面的計劃(例如進修之類)去彌補不足。這樣做的目的,在於你把自己的不足,轉眼間變成了一個優點(謙遜、求進)呈現在他面前。

總而言之,公司無非是想利用電話訪問做一些簡單的溝通,去篩選啲人,慳返後面正式面試的時間。對求職者而言,phone interview則是見工的第一關,亦是留給對方的第一印象,做得唔好,難免提早出局,所以真係唔可以睇少,最重要是勤力做好準備。

--

編輯精選:

面試衣著指南

瘀爆見工實錄

25歲就踏入青年危機?

香港5大初創公司 - 2018

你是什麼性格?一看書桌佈局就知道!

Godfrey Oyeniran

Career coach, financial coach, passionate about personal transformation.

4 分鐘閱讀

相關搜尋

為你推薦...

眾所皆知,面試穿衣搭配、談吐會影響HR對你的評價。其實見工面試時,HR不單從你的回答決定你是否合適人選。不想因為小事冇左個offer?記得留意5個容易被忽視的面試細節。

嗯,下週你有一個面試,是不是現在都還沒有一點頭緒,想想就緊張?簡單來講,你是擔心面試官可能會問的問題。

最難答的面試問題,莫過於問及個人目標、感受或是要解釋複雜情況,此類問題未必能用一般的「罐頭」答案,需要針對個別公司的情況調整,「考起」不少求職者。所以事前準備好針對性答案,可避免面試被問個措手不及。

正所謂「面試幾分鐘,背後十年功」,除左要準備面試題目,了解公司背景、模擬練習面試問答,亦要打點衣著、文件資料、portfolio、交通等等。現在一次過列出interview要做的準備,以防甩漏。

5搵工
大型 · 科技用品飾物 · 香港紅磡
108搵工
中型 · 物流 · 九龍塘,香港
10搵工
中型 · 電子商務 · 上環,香港
73搵工
大型 · 航空 · 赤鱲角