Startup都有細分,搵工之前要知咩?

whatitslikeworkingatstartup

好多人問做Startup會唔會好Chur?倒不如反問:做大公司就保證準時收工?同大公司比較,Startup無咁多階級觀念、規矩同潛規則,唔洗估估下,返工好似同一班friend工作。

咁當然會有其他要面對的問題,但其實Startup都有分不同種類規模,唔好以為間間 Startup都一樣。在唔同 Startup工作,員工的面對的挑戰都有唔同。今次會跟大家分享在小型 Startup的工作文化,及員工可能要注意的事情。

相關資料:現正招聘的中小型Startup: Aftership, Sourcibo,

在小型Startup工作:高風險高回報

這類公司還在起步階段,員工通常較少,公司主要面對的問題是「如何達致收支平衡」,讓公司得以繼續生存。而表現不錯的,可能已得到一些大客戶,收入足以支撐公司營運,創辦人或正四出尋找投資者。

在小型Startup工作,難免有一定壓力,但潛在回報還是相當高(正所謂有危就有機)。

Exposure大

一切源於人少,公司員工不多,大家都比較connected。員工有機會睇到高層、創辦人考慮問題的角度,以及處理事情的方法,對於fresh grad 或事業起步階段的人黎講係用錢都未必買到嘅經驗。

另外,可以接觸到不同部門,了解一間公司的運作方式及不同行業的市場知識。大公司跟 Startup 差別在於大公司的部門、分工、階級、合作流程等,都有明確的規定與程序,工作屬於邊個分得非常清楚。相較之下,大部份Startup架構相對扁平,多機會去跟不同的人合作,做不同類型的工作。

這些經驗令你可以宏觀地睇公司的運作及發展,對於將來的發展有莫大幫助。如果入大公司,好大機會做分工明確的工作,未必有機會俾你睇到公司的營運策略及相關數據,或者就算睇到,都只係冰山一角,並非全貌。

學到海量知識

剛起步的Startup未上軌道,公司每日都要面對新問題,未必每一個難題都立即有答案,因此員工的態度好重要。「唔識就學」,即使員工本身有一定專業背景,公司更需要一個可以解決不同問題的all-rounder。

除了鼓勵他們在公司邊做邊學,不少Startup老闆也非常支持員工學習,始終學到的skills可以幫到公司,有啲甚至資助埋員工上course。

在小型Startup Sourcibo 工作的Web Developer Hilda就分享:「以Web Developer黎講,隔兩日就有新features,所以一定要唔怕學習新事物。而我哋有時會上收費online course,之後都可以同公司claim返。」

相關閱讀:Sourcibo - 公司介紹 + 職位空缺

發揮空間大

Startup無包袱,唔似一般企業有市場佔有率及現有客戶要維持,所以初創公司的一大優勢是創新能力。不少公司正在摸索階段,如果唔洗花好多錢、無咩後果的話,通常咩都可以試。由產品改善、網站或system feature、sales pitch、搵客、搵其他合作夥伴等等,其實主動的話好多嘢都可以嘗試。

做Startup的先決條件

  • 適應及學習能力 - 朝令夕改對不少Startup來說可謂家常便飯。很多Startup最大的疑難是

  • 公司開發的產品和服務到底有沒有市場?

  • 消費者的習慣如何?
  • 能否改變市場生態?

試問邊個有答案呢?即使你去問消費者也未必能得到準確資料,與其做問卷調查,倒不如直接做產品出來試試市場反應。「試左唔得即刻改」是家常便飯﹐而不斷學習就是適應改變的不二法門。學幾多睇自己,未必有人教,但肯學就大把可以學,仲要收住人工自學。

  • 解難能力 - 通常一間Startup成立,是解決現有市場問題,基本上無任何範例可以參考,所以解難能力好重要,理解公司面對的問題是什麼,找出可行解決方法。

Miro為例,公司將AI應用於體育,開發RunnerTag AI,透過深度學習、電腦視覺與可拓展雲端基礎設施等技術,識別運動員,協助他們找到徑賽照片。公司也可幫助運動品牌與賽事舉辦方針對個別識別運動員,提供訓練建議及器材推薦。這種嶄新的產品於香港市場並不常見,所以,Miro鼓勵團隊成員主動承擔任務,當問題出現時,合作解決問題。

相關閱讀:Sourcibo - 公司介紹 + 職位空缺

  • 溝通 + team work - 互相補位亦是Startup 的一大優點,員工會知道其他team同事做嘅嘢,一齊睇下有咩解決方案。入得startup,你需要了解其他同事做緊咩,同時俾其他人知道你手上的工作及難題。

例如Sales Team的同事對於產品技術未必全盤了解,Product Team便要給Sales Team上堂。Aftership的產品設計時Tracy分享自己常和團隊交流,聆聽他們的feedback。她會和來自其他範疇的同時,包括設計師、產品經理及軟件工程師合作。因為大家有共同目標,所以可以一起打拼、更新產品,為未來做好準備。

  • 分緩急輕重 - 分Priority 真係唔係人人識,尤其當大量工作殺埋身,做得邊樣先?可以參考的原則是:先做賺錢的工作、再執漏及改善營運、對業務及營運都無影響的,之後再算。

  • 識得定時休息放鬆 - 休息是為了走更長的路,打併不是一時半刻,要長期抗戰更加要識得同自己差電,令自己處於身心健康狀態。

例如,Sourcibo的工作文化是,唔會要你準時返工,坐到夠鐘走。做到攰,可以去pantry食生果,佢哋仲設有「生果部部長」,負責將生果切好送到同事手中(有送到上枱一碟碟生果食,筆者聽過有這項福利的,是一間上市國企)。

決定加入前先要考慮:

始終做初創公司之中的「初創」,並非無風險。如果你覺得自己有條件和意願入Startup,記得考慮公司及創辦人是否適合自己。

  1. 是否同意公司理念?

  2. 創辦人的背景:是否有創辦及賣出Startup的經驗?是否曾任職大企業中高層?還是有idea、技術及拼勁的千禧世代?無所謂好不好,只有是否適合自己,都是人夾人。

  3. 公司流動資金足以支撐多久? 一般而言要有可以營運兩年的資金。

  4. 公司行業前景: 公司所屬的行業是市場需求大但競爭激烈的行業、還是競爭相對較少未知市場反應的行業?

Career Path? 靠自己殺條血路出黎

其實做得Startup就梗係唔似大公司有制度俾你跟,好多嘢都要自己摸索,但有啲人就係鍾意嗰種工作有效率、睇到成果又有feedback的滿足感。對想短時間內學到多啲嘢嘅年輕人,或者對Startup有興趣或之後想創業的人,特別適合。

而Startup不同時期需要不同的人,老土講句,真係要同公司一齊成長,不時思考到底公司需要什麼人,找出自己的位置。

現正招聘的中小型Startup:

Sourcibo - 職位空缺

Aftership - 職位空缺

Miro - 職位空缺

idNerd Stuido - 職位空缺

--

編輯精選

香港5大初創公司 - 2018

Aftership創辦人:唔想知員工幾時返工

你適合到哪裡工作?跨國企業、本地企業及初創公司人才解說

你適合做Startup嗎?在Deliveroo工作,你需要知道...

Sophia Wong

從事Marketing,撰寫揾工及面試技巧等職場文章。

11 分鐘閱讀

相關搜尋

為你推薦...

Marketing係Vanna平台上最多人申請的工種之一,如果你都想加入這個行業,或者你想跳槽,就繼續看下去啦!立即送上 Vanna 十大精選 Marketing 筍工!

Did you know that working can be fun? Meet two girls who love their work and are having a blast at it!

有公司請緊超過10個IT職位空缺!搵緊工?IT出身?即睇各大五月搵緊IT人才的公司啦!

不經不覺,暑假就悄悄地來臨啦。如果你打算暑假做intern儲經驗整靚CV,立即睇2019年香港筍intern,由startup到corporate一應俱全,一個post就可以搵到心水intern!

13搵工
中型 · 旅遊 · 赤鱲角, 香港
12搵工
大型 · 技術 · 觀塘,香港
91搵工
大型 · 航空 · 赤鱲角
8搵工
大型 · 資訊科技和服務 · 香港和新加坡