【你適合做Startup嗎?】响Deliveroo返工,你需要知道...

DeliverooOffice

Deliveroo辦公室位於上環。

相信大家對於Deliveroo都唔陌生,平時叫外賣都會考慮呢類網上平台。但如果响Deliveroo呢類Startup工作,又係咩一回事?

Deliveroo(戶戶送)在2013年於英國成立,創辦人從紐約搬至倫敦後發現,想食到品質高的外賣幾乎係天方夜譚,所以創辦左Deliveroo,等你上網睇到人「深夜放食」個陣,可以叫到一啲高質外賣慰藉心靈,而家Deliveroo已經在12個國家營運。

做Startup會唔會好Chur?

飲食外賣網上平台競爭十分激烈,所以get things done很重要,可能工作量比大公司多,但可以嘗試新事物,短時間學到好多,增加自己的exposure。

Deliveroo 的Head of Strategic Project Josh分享:「在Deliveroo工作,成功的關鍵是要主動爭取及承擔責任,那些渴望學習新事物、願意踏出舒適區的人通常都有出色表現」。

而且startup的架構無大公司咁死板,重視團隊精神,所以容易啲在公司找到戰友,唔會出現「呢個唔係我嘅工作範圍,你揾第二個啦」呢類卸責情況。

Senior Account Manager Alison十分欣賞Deliveroo的工作文化及團隊精神:「所有人都有相似的價值觀,亦會欣賞其他人的貢獻。最重要是,每個人都會幫助有需要的同事」。

工作同時,員工定期都可以同同事一齊定期有團隊活動及party,確保大家返工除左工作都可以放鬆。

在Deliveroo返工可以學到咩?

Deliveroo會為員工提供培訓課程、性格測試以及其它線上資源等等的發展機會。

Operation Manager Jane分享:「剛加入Deliveroo時,十分驚訝公司對員工個人成長及發展的重視。」每一個Deliveroo的員工可以用Deliveroo的公司帳號在Coursera上不同的網上課程。

在工作中學習是Deliveroo員工的日常,Alison認為好處是「每一日都學到新事物。」管理層給予員工自由及空間去摸索如何完成手上的工作,同時會提供足夠的幫助。Alison十分欣賞她的上司:「他們會在你有需要時隨時給建議和協助,令你可以逐步逐步學習」。

免費午餐 + 健身津貼

做Startup的好處係有一班like-minded的同事,一齊拼搏一齊玩。

Deliveroo逢星期五都會有Fun Friday午餐聚會,可以試食全港不同餐廳的外賣食物。Jane分享員工有很多免費試食的機會,例如有新餐廳開張,他們會叫外賣試食。

怕食太多影響健康?Deliveroo亦設健身津貼俾員工,唔怕食太多無運動會變肥。

另外,公司亦會有唔同活動俾員工,例如Bubble Soccer、Team Drinking等等。

給求職者的建議

對於有意到Deliveroo工作的求職者,Josh指出態度很重要,Deliveroo希望求職者了解間公司其實做緊咩,例如試用Deliveroo的App睇下有咩feedback,亦要show到你對於美食或者飲食行業的Passion及知識。

同時,Josh分享要有適應及應變能力,因為响Startup 工作,每一日都係新挑戰,你亦唔可能每次都預知每個項目的結果及成效,所以一定要展現到你適合在這種環境工作。

而態度方面,Josh認為因為在Startup工作,競爭激烈而且工作亦會不時有變動,所以正面思考尤為重要。

後記

其實做得Startup就梗係無大公司有制度俾你跟,好多嘢都要自己摸索,但有啲人就係鍾意嗰種工作有效率、睇到成果又有feedback的滿足感,好適合想短時間內學到多啲嘢嘅年輕人,尤其是對Startup有興趣或之後想創業的人。

職位空缺

想再了解多啲响Deliveroo工作的情況同埋要求?可以Click入Deliveroo的Company Profile睇睇佢地員工有咩分享,以及職位空缺。

Team Vanna

Vanna's expert writing team

4 分鐘閱讀

相關搜尋

為你推薦...

個個都話做marketing,到底marketers做咩?Marketers需要了解市場動向,以嶄新方法向目標群眾宣傳,這些promotion plan長遠會影響公司業務,少啲前瞻性都唔得!即睇10個marketing職位空缺!

Ovolo明白有快樂的員工,才有快樂的客人。除了給員工自由發揮小宇宙,而不是做「機械人」,亦盡力確保員工Work-Life Balance。在顛覆傳統的酒店工作,當然有不太平凡的工作體驗,在Ovolo工作,是怎樣一回事?

乘科技發展之趨,電子商務(eCommerce)的業務日益增長。香港的互聯網滲透率高,輸送系統發達,流動付款系統日漸普及,齊備發展電子商務的要素,電子商務有望越來越蓬勃。正想轉行的你,又為何應該考慮電子商務?

不少文章都講Startup 工作文化較自由,但Startup也有千百種面貌,在大型Startup與剛起步Startup工作,唔通又一樣?今次與大家分享在小型Startup工作所需要考慮的事情。

7搵工
中型 · 食品飲料 · 上環,香港
12搵工
大型 · 食物&飲品 · 上環,香港
5搵工
小型 · 電子商務 · 紅磡,香港
9搵工
中型 · 建築規劃 · 鰂鱼涌,香港