3款乞人憎上司 你遇過未

Bosses

可以開行turbo做嘢真係一件好爽嘅事,尤其是當你有一班好同事,而工作內容又開正你嗰範,真係會好有滿足感。

但唔係個個咁好彩,唔少老闆都係「地獄使者」,誓要令你無好日子過。為左份糧無奈要留,或者等緊機會走都好,一定要學番兩招傍身,就睇睇以下真人真事,參透甩身大法!

搶功勞型老闆

「當時,我係一家media agency嘅市場部主管,我好喜歡我嘅工作,亦都相信自己做到嘢,對得住啲客,但,唯一嘅問題係我經理,每日最煩就係要同佢接觸,我哋成team人埋頭苦幹,佢就會不停地徘徊係我哋身邊,又會改吓呢樣改吓嗰樣,都係一啲細眉細眼位,對個客根本無幫助。到我哋present時,佢就走出黎領功,講到自己lead住成team人做嘢咁。其實佢最多係行行企企,巡吓望吓我地做嘢,開電腦facebook messenge吓,扮吓工又一日。但當然,我哋無篤佢,因為佢係大老闆個老友」。

如果你從未遇過咁嘅上司,恭喜你!每間公司都總有啲咁嘅老屎忽,唔公平嘅事一世人總會遇到幾單。以上例子,當你直屬上司同權力中心好friend,好難直接投訴,但唔等於要啞忍。

一個得體嘅方法係:send 個email同老闆講你以及其他同事的工作情況,又或者要老闆call一個工作模式的meeting,事前同定同事通氣,約佢地出席,在會中講你哋嘅工作情況,講上司的管理手法有咩可以調整,幫助同事工作。

當然,見好就收,唔好搞大件事影響自己友。英明嘅高層自然會處理,相反,佢地唔理,你搞幾大都係晒氣。

侮辱型老闆

「我是公司CEO嘅私人助理,經常畀佢踩低,佢會改我花名,仲笑我鄉下妹。我已經服侍左佢兩年,係佢口中聽過算最好聽嘅說話係「至少睇落似番個5歲嘅人做嘅嘢」,而嗰份「嘢」係一份我幫公司一個長期partner擬訂嘅proposal。

有時候,跳出「comfort zone」,離開一個熟悉嘅崗位好難,即使個zone根本唔comfort,要開口尋求改變,仲要係叫老細改變,隨時自己搵自己笨。但如果佢地唔願意改,而你只係職場新人,例如個人助理,咁你大可以積極考慮轉工,放自己一條生路。

宜家其實好多人都每兩年就跳糟,唔好覺得自己欠咗公司,人來人往好正常。如果你老闆真係衰到要鬧「你老闆!」,你亦無信心可以憾動大山令佢地變好,不如把握機會,前進去下一個工作里程碑啦!

乜都管老闆

「我最近開始每星期有兩天home office,老闆同我用skype實時溝通。點知我一唔顯示online超過2分鐘,佢就即刻message問我去咗邊、做緊咩、點解唔做嘢等等。佢開始要求我每一個動作都要通知佢,確保我有嘢忙,無論飲杯水,食塊餅,甚至人有三急,我都必須先報告行蹤再行動,remote office根本慘過係公司做嘢」。

畀人監視你每一個動作真係好恐怖。呢種變態老闆難以合作,因為佢地不斷要員工update會直接影響生產力。與其畀人問問問,醒目嘅對應方法係:自我報告。

每當你做新項目時,話佢知,但唔好講太多細節。擠牙膏咁,逐少逐少咁等佢有嘢知下,一開始可能會好煩,但習慣就好,因為而家係你煩佢唔係佢煩你。


有啲老闆係好難相處。好多時,打工仔無得唔硬食。唯有見招拆招,煩就一定會,但總有行動可以做可以改善。更重要係,呢個世界唔係得一份工,東家唔打打西家,有心總會搵到啱你嘅工。如果真係好難頂,quit!

Chris Chu

Freelance writer, passionate about professional and personal development.

3 分鐘閱讀

相關搜尋

為你推薦...

隨着公司的商業樓價上漲,員工通勤時間增加,家庭責任加重,現時香港有不少公司都容許彈性上班時間,但這其實是好是壞?又會如何影響你的職業生涯、工作士氣和成功之道?

對剛踏入社會工作不久的「新鮮人」來說,為了提高自己在職場的競爭力,自然希望「搏到盡」以搏得上司欣賞,當壓力越來越大,看看隔壁同事,再看看自己,才發現自己健康出了嚴重問題,是時候停一停...

LinkedIn 近期發佈調查報告,調查六千名25到33歲的美國、英國、印度和澳洲人,其中近75%正面臨青年危機。

這三個詞語對於我們中的許多人來說簡直是未解之謎。每個人的理解都有所不同,我也不會假裝自己知道標準答案。對於某些人來說,這只意味著更多不工作的時間,完全不考慮任何工作相關的東西,也不查看郵件或接聽工作相關的電話。

3搵工
小型 · 技術 · 灣仔,香港
3搵工
小型 · 媒體 · 荔枝角,香港
13搵工
大型 · 法律 · 中環,香港
8搵工
小型 · 技術 · 蘭桂坊,香港